waqt kee daur

وقت کی دوڑ

وقت کب سے بھاگ رہا ہے 

اور ہم وقت کو کب سے پکڑتے پکڑتے 

کتنی اجنبی جگہوں کے 

کتنے خوابوں کے گلستانوں سے

کتنی خواہشوں کے پھولوں کو روندتے 

اور کتنے محبّت کے سرابوں سے باتیں کرتے

گزر چکے ہیں 

 وقت ہے کے رکتا ہی نہی 

(اس وقت کی محبّت می دنیا کب تک گھومتی رہے گی)

وقت سے آگے بھاگنے والے

وقت کو ایک بھیانک کالا کتا سمجھ کر بھاگ رہے ہیں

اور پیچھے رہ جانے والے امید کے نشے میں 

دوڑے چلے جاتے ہیں 

ہم سب سے دور ایک کونے پر 

جب محبّت کے مکین 

 صراہی سے ہولے ہولے شراب انڈیلتے 

ترچھی نظروں سے وقت کے کارواں کو دیکھتے ہیں

اور وقت کے نا ہونے کا احساس دلاتے ہیں 

تو ہم ان سب کو ایک لفظ “پاگل پن ” میں 

بند کر کے بھلانے کے کوشش کرتے ہیں 

کبھی کہبھے میں سوچتا ہوں 

شاید وہ بھی ہمیں دیکھ کر  یہی سوچتے ہیں